Фархор: Оила оғози фардои мурод

  Фархор, 25.08.2015 (АМИТ «Ховар» Сулаймон  Холов).- Бахшида ба  эълон гардидани соли 2015 ҳамчун соли оила аз ҷониби Президенти мамлакат дар ноҳияи Фархор бахши сабти асноди ҳолати шаҳрвандӣ дар ҳамкорӣ бо ҳукумати маҳаллӣ чорабиниеро таҳти унвони «Оила оғози фардои мурод» доир намуданд, ки дар он намояндагони ҷамоатҳои деҳот, фаъолон, ҷавонон ва мудирони бахшҳои сабти асноди ҳолати шаҳрвандии ноҳияҳои минтақаи Кӯлоб ширкат варзиданд. 
Иштирокдорони чорабинӣ оид ба мавзӯи мазкур маърӯза намуда, ҷавононро ба эҳтироми якдигар, ҳурмати падару модар ва хусуру хушдоман, дар якҷоягӣ паси сар намудани мушкилоти оилавӣ ва сабру таҳаммулпазирӣ  ҳидоят намуданд.
     Бино ба иттилои кормандони бахши сабти асноди ҳолати шаҳрвандии вилояти Хатлон, баргузории  чунин силсилачорабиниҳо дар ҳамаи шаҳру ноҳияҳои вилоят дар назар аст.