Фароғат дар «Ширкент»

Турсунзода, 06.07.2015 (АМИТ «Ховар», Ҳотами Шариф).- Дар осоишгоҳи «Ширкент» истироҳату фароғати беш аз чорсад нафар кудакону наврасон идома дорад. Аксари ин наврасон фарзандони коргарони Корхонаи воҳиди давлатии «Ширкати алюминии тоҷик» буда, сад нафари дигар аз хонаинтернати шаҳри Турсунзода мебошанд.
Барои фароғати кӯдакону наврасон дар ин ҷо тамоми шароитҳои муҳайё буда, онҳо бо чор вақт хӯроки гарм таъмин буда, бо бозиҳои варзишӣ ва киною консерт фаро гирифта мешаванд. Имсол истироҳати наврасон дар чор баст буда,  беш аз 1600 нафар дар осоишгоҳи мазкур давраи таътили хешро хушу хотирмон сипарӣ менамоянд.