Гурӯҳи террористии ДИ 100 нафар аъзои худро қатл кард

Душанбе, 11.08.2015. (АМИТ «Ховар»). — Гурӯҳи террористии ДИ 100 террористи худро ба иттиҳоми шикаст дар даргириҳои шаҳри Ал-Ҳасакаи Сурия ба қатл расонд. 
Бино ба гузориши TV Press бо такя ба сомонаи SANA, ДИ ба истинод аз фатвое ба ном «шикастхӯрдагони даргириҳои Ал-Ҳасака», ки алайҳи ин афрод содир карда буд, онҳоро дар наздикии шаҳри Ал- Шададӣ қатл кард.
Гурӯҳи террористӣ ДИ дар тӯли чор рӯзи охир, ҷасади ин афродро дар минтақаи ал-Мақолеъ дар шимолу ғарбии Палмира афкандааст.
Бино ба манбаъҳои маҳаллӣ, ДИ пас аз ғасби шаҳри Ал-Шададӣ, онро ҳамчун пойгоҳи аслии худ дар ин минтақа истифода мекунад.