Ифротгароёни ДИ гаравгони хорватиро ба қатл расониданд

Душанбе, 12.08.2015. (АМИТ «Ховар»). — Шаҳрванди Хорватия, ки аз ҷониби ифротгароёни «Давлати исломӣ»  дар Миср ба гарав гирифта шуда буд, ба қатл расонида шуд. 
Ёдовар мешавем, ки чанде қабл дар Интернет наворе нашр шуд, дар он як мард бо либосҳои зард ба зону нишаста, пайёмеро барои мусулмонон ироа менамуд. Гаравгон дар ин навор мегӯяд, ки ӯ 30 сол дорад ва аз Хорватия аст, номаш Томислав Салопек мебошад. 22 июл ҷангиёни ДИ вайро ба гарав гирифтаанд.  Дар ин муроҷиат ӯ гуфтааст: «Дар сурате, ки ҳукумати Миср занони мусалмони дар зиндон бударо озод накунад, ӯро ба қатл мерасонанд».
Мавриди зикр аст, ки гаравгонгирӣ яке аз даромадҳои муфти ДИ буда, танҳо дар соли 2013 аз ин ҳисоб ин гурӯҳи ифротгаро қариб 63 млн. доллари ИМА фоида бурдааст.