Ифтитоҳи бинои нозироти андози шаҳру минтақаи Кӯлоб
Душанбе, 31.08.2015. (АМИТ «Ховар»). — Худи ҳамин рӯз Президенти мамлакат Эмомалӣ Раҳмон дар маросими ифтитоҳи бинои панҷошёнаи нозироти андози шаҳру минтақаи Кӯлоб иштирок кард. Дар сари роҳ Сарвари давлатро сокинони шаҳр хеле гарму самимиӣ бо рақсу суруд пазироӣ карданд.
Сарвари давлат ба сару либоси бонувони ин шаҳри бостонӣ баҳои баланд дода, онҳоро ба гиромидошти анъанаҳои неки аҷдодӣ ва риояи расму ойинҳои миллӣ ва дурӣ ҷустан аз бегонапарстӣ ҳидоят кард.
Сипас бо буридани лентаи рамзӣ Президенти мамлакат Эмомалӣ Раҳмон бинои нозироти шаҳри Кӯлобро ифтитоҳ кард.
Бинои мазкур аз ҳисоби маблағҳои Кумитаи андози назди Ҳукумати Ҷумҳурии Тоҷикистон мавриди баҳрабардорӣ қарор гирифт.
Зимни шиносоӣ аз шароити корӣ дар ин ҷо ба Президенти мамлакат иттилоъ доданд, ки аз таҳкурсӣ сар карда то охирин корҳои бунёдиро сохтмончиёни Ҷамъияти Саҳҳомии Пушидаи Сензиянси Академияи Ҷумҳурии Халқии Хитой иҷро намудаанд.
Корҳои рангуборкунии берун ва даруни биноро мутахассисони Ҷамъияти Дорои Масъулияташ Маҳдуди “Меҳансоз” ба итмом расонидаанд. Барои дар вақти муқарраргардида ва бо сифат ба анҷом расондани корҳо дар як баст беш аз 120 нафар сохтмончӣ фаъолият дошт. Сохтмони иншоот моҳи сентябри соли 2013 оғоз шуда, ҳаҷми умумии корҳои сохтмонӣ ва муҷаҳҳазгардонӣ 15 миллиону 600 ҳазор сомониро ташкил менамояд. Бинои нозироти андози шаҳру минтақаи Кӯлоб дорои толори васеи маҷлисгузаронӣ, утоқҳои зебою барҳаво буда, дар назди бино ду фаввораи муосир сохта шудааст.
Сарвари давлат Эмомалӣ Раҳмон ба кормандон барои расондани хизмати дар сатҳи хуб дастур дод.
Дар бинои мазкур 52 нафар кормандони нозироти андоз ба 32 ҳазор андоз супоранда хизмат мерасонанд.
Инчунин барои баланд бардоштани малакаи мутахассисони соҳа дар бинои мазкур як маркази таълимӣ низ бунёд ёфтааст, ки он бо тамоми шароити будубош таъмин гаштааст.
Дар шаҳри Душанбе бо мақсади муаррифии дастовардҳои Тоҷикистон дар самти эҳёи ёдгориҳои таърихӣ ҳамоиш доир шуд
Дар деҳаи Фатмеви ноҳияи Айнӣ муассисаи таълимӣ бунёд карда мешавад
35-СОЛАГИИ ИСТИҚЛОЛИ ДАВЛАТӢ. Барои сазовор таҷлил намудани ин ҷашни миллӣ машварати корӣ доир шуд
«Истиқлоли Тоҷикистон ва эҳёи пайвандҳои таърихию фарҳангии мардумони ориёитабор». Дар ин мавзуъ ҳамоиши илмӣ баргузор мешавад
35-СОЛАГИИ ИСТИҚЛОЛИ ДАВЛАТӢ. Бо иштироки кормандони вазорату идораҳо дар Душанбе ҳашари ободонӣ ва тозакорӣ баргузор шуд
Судяҳои Тоҷикистон дар Остона дар конфронси байналмилалӣ иштирок намуданд
ИСТИФОДАИ САМАРАНОКИ ЗАМИН. Сокини ноҳияи Ҷайҳун дар замини наздиҳавлигияш киштро барои ҳосили дуюм оғоз намуд
Имкониятҳои сайёҳии Тоҷикистон дар 14-умин Намоишгоҳи байналмилалии сайёҳии Макао муаррифӣ мегарданд
Нақшаи даъвати баҳории шаҳрвандони Тоҷикистон ба сафи Қувваҳои Мусаллаҳ беш аз 80 фоиз иҷро гардид
Ҳайати Тоҷикистон дар ҷаласаи Гурӯҳи кории минтақавӣ оид ба моликияти зеҳнӣ иштирок намуд
Вакилони парлумонҳои кишварҳои аъзои ИДМ тарҳи таҳрири нави қонуни намунавии «Дар бораи мақоми ваколатдори ҳуқуқи инсон»-ро тасдиқ намуданд
Дар Хуҷанд сеюмин Фестивал-намоишгоҳи байналмилалии донишгоҳҳои давлатҳои хориҷӣ дар Ҷумҳурии Тоҷикистон – 2026 баргузор гардид
