Истиқлолият ва рисолати зани ватандор

Душанбе, 31.08.2015 (АМИТ «Ховар»).- Кумитаи кор бо занон ва оилаи назди Ҳукумати Ҷумҳурии Тоҷикистон бо мақсади амалӣ намудани дастуру супоришҳои Президенти Ҷумҳурии Тоҷикистон,  Эмомалӣ Раҳмон, дар бораи тарғиб намудани моҳияти мафкураи миллӣ ва дар сатҳи баланди ташкилию сиёсӣ таҷлил намудани 24- солагии ҷашни Истиқлолияти Ҷумҳурии Тоҷикистон  бо фаъолзанон ва бонувони барӯманди ҷумҳурӣ дар толори Донишгоҳи давлатии тиҷорати Тоҷикистон вохӯрӣ баргузор намуданд.
Дар вохӯрӣ муовини Раиси Кумитаи кор бо занон ва оилаи назди Ҳукумати Ҷумҳурии Тоҷикистон Зулфия Давлатзода, шоираи ширинкалом Меҳриниссо ва раисони шӯрои занони Донишгоҳҳо аз дастовардҳои 24  соли Истиқлолият, баланд бардоштани мақоми зан дар ҷомеа ва дигар масъалаҳои мубрами рӯз ибрози ақида намуданд.