Истироҳати 110 кӯдаку навраси хонаводаҳои аз офати табиӣ зарардидаи Бадахшон дар Суғд

Суғд, 14.08.2015 (АМИТ “Ховар”,).-Бо дастуру супоришҳои сарвари давлат ва ташаббуси роҳбарияти вилояти Суғд боз 110 нафар кӯдакону наврасоне, ки хонаводаҳояшон бар асари офатҳои табиӣ зарар дидаанд, аз вилояти Бадахшон ба вилояти Суғд оварда шудаанд.
Наврасону кӯдакони мактабҳои ноҳияҳои Дарвозу Рӯшон ва Ванҷи вилояти Бадахшон низ дар истироҳатгоҳи «20 — солагии Истиқлолияти Тоҷикистон” — и ноҳияи Ҷаббор Расулов ҷойгир карда шуда, барои истироҳаташон шароитҳои лозима фароҳам оварда шудаанд.
Ёдрас мешавем, ки қабл аз ин 50 нафар кӯдакону наврасон аз минтақаи Рашт, ки хонаводаҳояшон аз офати табии рӯзҳои охир зарар дида буданд, дар  истироҳатгоҳи «20 — солагии Истиқлолияти Тоҷикистон” — и ноҳияи Ҷаббор Расулови вилояти Суғд бо фароҳам оваррони шароитҳои мусоид, ҷойгир  шуда буданд.
Ин наврсон то оғози соли таҳсил ба истироҳат ва сипас бо таълим дар мактабҳои вилоят фаро гирифта мешаванд.