“Кӯкнор-2015”: зиёда аз 18 ҳазор бех ниҳоли банги худрӯй нобуд карда шуд

Душанбе, 12.08.2015. (АМИТ «Ховар», Лайло Тоирӣ).- Кормандони Раёсати Агентии назорати маводи нашъаовари назди Президенти Ҷумҳурии Тоҷикистон дар вилояти Суғд дар доираи амалиёти “Кӯкнор-2015” ва тибқи иҷроиши Фармони Президенти ҶТ «Дар бораи чораҳои таъхирнопазир ва пурзӯр намудани мубориза алайҳи гардиши ғайриқонунии маводи мухаддир» дар заминҳои бекорхобидаи хоҷагиҳои деҳқонии шаҳри Исфара ва ноҳияи Б. Ғафуров 18 590 бех ниҳоли банги худрӯйро ошкор намуданд.
Дар ҳузури комиссия аз ҳисоби кормандони мақомоти салоҳиятдор ва мутахассисони соҳаи кишоварзӣ ниҳолҳои ошкоршуда бо роҳи сӯзонидан несту нобуд карда шуданд.