Корҳои фаҳмондадиҳӣ бо шаҳрвандон-муҳоҷирони меҳнатӣ

Душанбе, 12.08.2015. (АМИТ «Ховар», Ситораи Боймурод).- Дар ҳафт моҳи соли ҷорӣ дар синфхонаи Раёсат Хадамоти муҳоҷират аз ҷониби кормандони шуъбаи қабул ва маслиҳатдиҳии Раёсат дар шаҳри Душанбе ба шаҳрвандон муҳоҷирони меҳнатӣ 76 вохӯрӣ гузаронида шуд.
Корҳои фаҳмондадиҳӣ барои пешгирии омилҳои номатлуби ифротгароёна миёни ҷавонон, эҳтиром ба арзишҳои миллӣ, тақвияти маърифати муҳоҷирони меҳнатӣ, навигариҳо дар соҳаи қонунгузории Федератсияи Россия роҷеъ ба муҳоҷирати меҳнатӣ ва гирифтани патент ба муҳоҷирони меҳнатие, ки рафтуомадашон ба Федератсияи Россия манъ гардидаасту хоҳиши дар ташкилоту муассисаҳои пойтахт кор карданро доранд, мехоҳанд дар кишварҳои дигари будубош фаъолият намоянд ё ба соҳибкории хурду миёна ва касбомӯзӣ машғул шаванд, иттилооти мукаммал дода мешавад.
Дар баробари ин, варақаҳои иттилоотии «Муҳоҷир-2015, Фаъолияти меҳнатӣ дар Федератсия Россия дар асоси патент: Қоидаҳои нав», «Роҳхат. Маркази мусоидат ба муҳоҷирон», «Тартиби гирифтани патент барои кор дар Федератсияи Россия», «Тартиби гирифтани иҷозат барои кор ва патент», «Ёддошт ба муҳоҷирони меҳнатӣ-шаҳрвандони Ҷумҳурии Тоҷикистон, ки ба Федератсияи Россия сафар менамоянд» ва китобчаи «Мигрант -2015, Осуществление трудовой деятельности в Россиской Федерации на основании патента: Новые правила», «Как получить патент для работы в Российской Федерации», дастури кумакрасонӣ оид ба таъмин намудани шаҳрвандони хориҷӣ бо кор ки аз ҷониби Кумитаи меҳнат ва шуғли аҳолии Санкт-Петербург дастрас гардидааст, дар байни иштирокчиён тақсим шудаанд.
Дар ин бора аз Хадамоти муҳоҷирати назди Вазорати меҳнат, муҳоҷират ва шуғли аҳолӣ ба «Ховар» иттилоъ доданд.