Маҳви 33 узви ДИИШ дар Бейҷии Ироқ

 Душанбе, 18.08.2015. (АМИТ «Ховар»,Тоҷиддин Аҳмадзода). — Як манбаъи амниятӣ дар вилояти Салоҳуддинӣ Ироқ баён доштааст, ки рўзи душанбе 33 узви ДИИШ дар маркази шаҳри Бейҷӣ маҳв гардиданд. Тибқи гузориши хабаргузории Ал-Маълума, қувваҳои амниятии ин минтақа ҳангоми задухўрд бо аъзои ДИИШ 33 нафар аз ин гурӯҳи террористиро нобут карданд.
Манбаъ афзўд, ки қувваҳои муштарак тавонистанд ҳудудҳоеро, ки ДИИШ дар ин минтақа тасарруф карда буд дубора бозпас бигиранд.  Қувваҳои мардумӣ дар якҷоягӣ бо артиш барои поксозии дигар мавзеъҳои Бейҷӣ амалиёти низомиро идома медиҳанд.