Маҳви 50 террористи ДИИШ дар Ироқ

Душанбе, 07.08.2015. (АМИТ «Ховар»,Тоҷиддин Аҳмадзода).- Беш аз 50 террорист бо иловаи 2 фармондеҳи ифротгарои ин гурўҳ дар як амалиёти қувваҳои ҳавойии Ироқ дар вилояти Анбор нобуд гардиданд.Тибқи гузориши хабаргузории арабии Ал-Фурот , ин теъдоди террористҳо дар амалиётҳои алоҳида дар шаҳрҳои Ҳусайба 7 километрии маркази шаҳри Рамодӣ ва ноҳияҳои  Маломеҳ ва Албу Алвон нобуд шудаанд. Ҳавопаймоҳои низомии Ироқ ҳамчунин 9 анбори аслиҳа , 22 мошини зиреҳпўш ва 14 мошини мутааллиқ ба ДИИШ-ро маҳв кардаанд.