Маҳви 57 узви ДИИШ дар шаҳри Бейҷии Ироқ

Душанбе, 27.08.2015. (АМИТ «Ховар»). — Тибқи маълумоти Абу Муртазо Карбалоӣ — масъули созмони «Бадр» дар шаҳри Карбало, дар натиҷаи зарбаҳои ҳавоии қувваҳои артиши Ироқ 57 узви ДИИШ дар шаҳри Бейҷии шимолии Ироқ нобуд гардид. Инчунин 5 нафари дигар аз аъзои ин гурӯҳ, ба асорати қувваҳои мардумӣ афтиданд. Карбалоӣ зимни суҳбат бо хабаргузории «Ал-Маълума» гуфтааст, ки «Қувваҳои ҳавоии артиш имкон ёфтанд, ки мавзеъҳои пураҳаммияти ДИИШ-ро мавриди ҳамла қарор диҳанд, 57 нафар аз узви ин гурӯҳро маҳв намоянд». Карбалоӣ, ки роҳбарии қувваҳои мардумии созмони «Бадр»-ро дар якчанд минтақаҳои шимоли  Ироқ ба ӯҳда дорад афзуд: «Қувваҳои мардумӣ пешравиҳои зиёдеро дар самти Шарқот ва Мавсил ба даст оварданд».