Мулоқоти созанда бо сокинони фаъоли шаҳри Кӯлоб

Душанбе, 20.08.2015 (АМИТ «Ховар», Фарзонаи Давлат).-Бо ибтикори Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон масъулини Кумита ва аъзоёни фаъоли Иттифоқи ҷавонони Тоҷикистон бо доираи васеи сокинон, аз ҷумла, ҷавонон, занон ва фаъолони шаҳри Кӯлоб силсилаи мулоқотҳоро дар кӯчаву маҳаллаҳо, ҷойҳои ҷамъиятӣ ва масҷидҳо доир намуданд. 
Намояндагони Кумита ва Иттифоқи ҷавонон дар мулоқоту вохӯриҳо дар хусуси банақшагирии оиладорӣ, баланд бардоштани маърифати оиладорӣ, пешгирӣ аз вайроншавии оилаҳои ҷавон, мақом ва аҳамияти оила аз нуқтаи назари ислом ва қонунҳои амалкунандаи кишвар, нигоҳдошти сирри оила ва расидан ба арзишҳои хонаводагӣ, хушунат ва зӯроварӣ дар оила ва оқибатҳои нангини он, фарҳанги либоспӯшӣ ва расидан ба арзишҳои миллӣ, омилҳои номатлуб дар ҷомеа, пайдоиши ҳизбу ҳаракатҳои террористию экстремистӣ ва ҳадафҳои пасипардагӣ, дастовардҳои даврони соҳибистиқлолии кишвар, раванди ҷаҳонишавӣ ва тақдири давлатҳои миллӣ суҳбат намуданд. 
Дар назар аст, ки дар доираи ин мулоқотҳо чоpабиниҳои маъpифатию иттилоотӣ оид ба пешгиpии бемоpиҳои сиpоятии ҷинсӣ, ВНМО/БПНМ ва нашъамандӣ даp байни ҷавонон ва оилаҳои онҳо низ гузаронида шавад. 
Бино ба иттилои Наврӯз Қурбонов, мутахассиси пешбари бахши таҳлил ва иттилооти Кумитаи ҷавонон, варзиш ва сайёҳӣ чунин силсиламулоқот дар дигар  маҳаллаю кӯчаҳои шаҳри Кӯлоб то 23 августи соли равон идома хоҳад ёфт.