Омодагӣ ба ҷашни Истиқлол

Душанбе, 22.08.2019 (АМИТ «Ховар», Ҳотами Шариф).-9 сентябри соли ҷорӣ аз рўзи эълони Истиқлолияти давлатии Ҷумҳурии Тоҷикистон 24 сол сипарӣ мегардад. Истиқлолият бузургтарин дастоварди миллати тоҷик аст. Имрўз дар тамоми гўшаю канори ҷумҳурӣ бахшида ба ин санаи муҳим корҳои ободонию бунёдкорӣ вусъат меёбанд. Аз ҷумла сокинони ноҳияи Шаҳринав ба таври оммавӣ ба ҳашар баромада, тамоми кӯчаву маҳаллаҳо ва гулгащту хиёбонҳоро тоза намуда бо коштану нишондани гулҳову ниҳолҳои нав ҳудуди ноҳияро ободу дилкаш менамоянд.