Роҳҳои харобгардидаи Бадахшон барқарор мешаванд

Душанбе, 06.08.2015. (АМИТ «Ховар»Хосият Худоёрбекова). — Кариб 1 км  китъаи харобгардидаи шоҳроҳи  Душанбе-Кӯлоб-Дарвоз -Хоруғ Мургғоб- Кулма, ки дар натиҷаи офати табии 16 июл дар деҳаи Барсем рӯх дода зери об монд,  барқарор карда шуд.  Дарозии  умумии  ин қитъаи  харобгардида   4 км буда,  700 метри ин роҳ  аз ҷониби деҳаи Барсем  ва 300 метри ин роҳ аз ҷониби деҳаи Колхозобод аллакай  барқарор ва ба талабот ҷавобгу гардонида шудааст.
Хушназар Абдураҳимов  муовини сардори муассисаи  давлатии  идораи  хочагии  роҳҳои  вилоят  қайд намуд, ки  роҳсозон аз нақлиёти  кории даркорӣ  пурра таъмин ҳастанд  ва корҳои барқарорсозии ин қитъаи роҳ  шабу рӯз идома доранд.
Барои бунёди роҳ  дар бробари роҳсозони ватани ҳамчунин мутахасисони хориҷӣ низ ҷалб шудаанд.
Хотиррасон бояд кард, ки бунёди рох  аз дили куҳҳои   мавзеъи  душворгузари Шитобог  мегузарад. Роҳсозон дар ин ҷо шабу рӯз ҷидол бо табиат доранд  ва сади роҳи иборат аз сангҳои азимро   бо пармаву  таркиш пора намуда, тоза менамоянд. Аз ин рӯ дар ин ҷо техникаи вазнин ба кор ҷалб карда шудааст. Хушназар Абдураҳимов  муовини сардори муассисаи  давлатии  идораи  хоҷагии  роҳҳои  вилоят  иброз дошт,ки аз ҷониби  деҳаи Колхозобод ба болои дарёчаи куҳии Шорви пули мошингузар  сохта мешавад. Дарозии ин пул 31,5 метр, пахноияш 3.5 метр ва  борбардориаш  зиёда аз 60 тонна  мебошад. Масолеҳи  сохтмонӣ барои бунёди пул дастрас буда, дар рӯзҳои наздик сохтмони он  оғоз меёбад.
Дар айни замон мардум  аз роҳи  пиёдагард, ки  тариқи куҳ мегузарад,  истифода менамоянд. Бояд кайд намуд, ки  ин роҳи пиёдагард аз ҷониби ҷавонони  ризокори  ҷамоати деҳоти Веру Ванкалъа, Навободу Сучони ноҳияи Шуғнон    кушода гардид.