Суғд: Ба истифодадиҳии ағбаи Оббурдон пас аз таъмир

Суғд, 06.08.2015 (АМИТ “Ховар”, Абдуаҳад Шарифзода).- Пас аз таъмири ҷорӣ роҳи автомобилгарди Кӯҳистони Мастчоҳ-Ғончӣ, ки тавассути ағбаи Оббурдон мегузараду аксари сокинони ин ду ноҳия бо ин роҳ рафту омад доранд, ба истифода дода шуд, ки дар расми ифтитоҳи он Раиси вилояти Суғд Абдураҳмон Қодирӣ иштирок намуд. 
Роҳи ағбаи Оббурдон, ки аз солҳои 80-уми асри гузашта то кунун мавриди истифода қарор дорад, дар маҷмӯъ 50 км буда, ҳолати он солҳои ахир хеле хароб гардида, барои ҳаракати воситаҳои нақлиёт хатарнок шуда буд. Аз ин лиҳоз бо мақсади осон намудани мушкилоти рафту омади сокинони ноҳияҳои мазкур роҳи ағбаи Оббурдон бо дасгирии раиси вилояти Суғд аз таъмир бароварда шуд. Баъд аз таъмир роҳ 100 км наздик шуд.