Суғд: Вохӯрии панҷуми роҳбарони мақомоти ҳудудӣ ва масъулони ҲФ-и СҲШ

Душанбе, 17.08.2015. (АМИТ «Ховар», Ситораи Боймурод).- 20-ум ва 21- уми августи соли равон дар шаҳри Қайроққум вохӯрии панҷуми роҳбарони мақомоти ҳудудӣ, масъулон оид ба пешгӯӣ ва рафъи ҳолатҳои фавқулодда дар минтақаҳои наздисарҳадии давлатҳои аъзои Созмони ҳамкории Шанхай баргузор мегардад.
Тавре аз хадамоти матбуоти раиси вилояти Суғд хабар доданд, дар вохӯрӣ намояндагони Тоҷикистон, Русия, Қазоқистон, Чин ва Қирғизистон иштирок ва масоили мавриди назарро муҳокима менамоянд.