Субҳи имрӯз Президенти кишвар ба шаҳри Кӯлоб ташриф овард

Душанбе, 31.08.2015. (АМИТ «Ховар»). — Субҳи имрӯз Президенти кишвар Эмомалӣ Раҳмон ба хотири шиносоӣ бо ҷараёни корҳои ободониву созандагӣ дар шаҳри бостонии Кӯлоб, вазъи рушди иқтисодиву иҷтимоии шаҳр, иштирок дар оғози тантанаҳои ҷашни 700-солагии Мир Сайид Алии Ҳамадонӣ, таҷлили 70-солагии Донишгоҳи давлатии Кӯлоб ба номи Абуабдуллои Рӯдакӣ ва оғози соли таҳсил вориди шаҳри Кӯлоб шуд. Дар фурӯдгоҳи шаҳри Кӯлоб мардуми Кӯлобшаҳри бостонӣ  Пешвои миллатро гарму самимӣ истиқбол гирифтанд. Зимни ин сафар як зумра иншооти нави ҷашнӣ мавриди истифода қарор гирифта, сохтмони иншооти зиёди дигар низ оғоз меёбад.