ВАО: Роҳбари намояндагии Толибон дар Қатар тарки мақом кард

Душанбе, 04.08.2015. (АМИТ «Ховар»). — Бино ба иттилои ВАО-и ғарб, роҳбари намояндагии «Толибон» дар Қатар Tайиб Оғо аз мақомаш истеъфо дод ва бо ин амал музокироти сулҳро бо ҳаракати ошӯбгарон зери хатар гузошт.
Тибқи гузориши BBC, Tайиб Оғо, ки дар гузашта котиби Мулло Умар буд, мавқеи кунунии роҳбари нави Толибон Ахтар Мансурро танқид карда, гуфт, ки ӯ ба хотири пешгирии «ихтилофҳои эҳтимолии оянда», тарки ин мансаб мекунад. 
Дар айни замон «Толибон» ба бӯҳрон рӯ ба рӯ гаштаанд, ки ба ҷудоӣ ва ҷангҳо миёни гурӯҳҳои дохилӣ оварда расонд.