Зиёд шудани комбайнҳои ғалладарав

Душанбе, 13.08.2015. (АМИТ «Ховар», Ситораи Боймурод).- Тибқи маълумоти фаврии Шуъбаи сиёсати техникӣ ва рушди инфраструктураи кишоварзӣ воридоти техникаи кишоварзӣ дар ҷумҳурӣ дар ҳафт моҳи соли равон ба 1076 адад расид, ки аз ин миқдор 299 адади онро тракторҳо ташкил мекунад.
Тавре ки дар ин бора аз Вазорати кишоварзӣ иттилоъ доданд. дар ҳафт моҳи сипаришуда, ба ҷумҳурӣ 20 адад комбайнҳои ғалладарав воридот карда шудааст, ки нисбат ба ҳамин давраи соли гузашта 12 адад зиёд мебошад. 
Инчунин, 32 адад тойбанд-тагрезчин, 16 адад комбайни алафдаравии худгард, 23 адад култиватори тракторӣ, 7 адад картошкашинонак, 10 адад картошкаканак, 86 адад ядакҳо, 82 адад испор, 83 адад достҳои тракторӣ, 32 адад тухмипошаки кишти дақиқ ва 14 адад чизел-култиватор дар ҳафт моҳи соли ҷорӣ ба ҷумҳурӣ ворид карда шудааст.