«Атлас ва адраси тоҷик — 2015»- фестивали вилоятӣ

Душанбе, 25.09.2015. (АМИТ «Ховар»).-  Моҳи октябри соли равон дар вилояти Суғд фестивали «Атлас ва адраси тоҷик — 2015» гузаронида мешавад.
Тибқи низомномаи фестивал, он бо мақсади рушди соҳаи саноати сабук, аз ҷумла ривоҷу рақнақ бахшидан ба истеҳсоли матои атлас ва адраси дастибоф, тарғиби  либосҳо аз матоъҳои табиӣ ва аз ҷиҳати экологӣ безарар бо истифодаи услубҳои миллии дӯзандагӣ, рушди меҳнати хонагӣ ва баланд бардоштани завқи либоспӯшии миллӣ, зебоипарастӣ, ғанӣ намудани ҳаёти маънавии занону бонувон гузаронида мешавад.
Ёдовар мешавем, ки ба иштирокчиёни беҳтарини фестивал аз 1000 то 10 000 сомонӣ мукофотпулӣ дода мешавад.