Барқияи табрикии Питер Косгроув ба Эмомалӣ Раҳмон

Душанбе, 08.09.2015. (АМИТ «Ховар»).

Ҷаноби Олӣ,
Иҷозат диҳед, ба муносибати Ҷашни истиқлолияти Ҷумҳурии Тоҷикистон ба Шумо, Ҳукумат ва мардуми Тоҷикистон шахсан аз номи худам, Ҳукумат ва мардуми Австралия самимонатарин таманниётро иброз намоям. 
Австралия муносиботи худро бо Тоҷикистон қадрдонӣ намуда, ба тақвияти минбаъдаи робитаҳои дуҷониба умед дорад. Австралия нияти қатъӣ дорад, ки дар оянда бо Тоҷикистон ҳамкории хешро оид ба ҳалли масоили дорои манфиатҳои ҳарду кишвар, аз ҷумлаи рушди байналмилалӣ ва бехатарии минтақавӣ бо тартиби дуҷониба ва ҳамаҷониба ба роҳ монад. 
Имсол ҳамчун соли мустаҳкам намудани муоширати байнишахсӣ дар риштаи варзиш арзёбӣ шудааст. Тимҳои мунтахаби миллии кишварҳоямон дар як гурӯҳи интихобии чемпионати ҷаҳон оид ба футболи соли 2018 қарор доранд, 8 сентябр бошад, дар Душанбе, барои фараҳмандии мухлисони тимҳои мо, мусобиқаи байни тимҳои мунтахаби Австралия ва Тоҷикистон дар назар аст. Аз қабули тими мунтахаби Тоҷикистон дар мусобиқаи ҷавобӣ, ки соли оянда дар Австралия мегузарад, шод хоҳем буд. 
Иҷозат диҳед, итминони худро иброз намоям, ки  муносибатҳои дӯстонаи байни кишварҳоямон дар оянда низ ривоҷ хоҳанд ёфт.
Ҷаноби Олӣ, лутфан табрикоти шахсӣ ва эътимоди  маро дар хусуси эҳтироми амиқ бипазиред. 

Питер Косгроув, Генерал-губернатори Иттиҳоди Австралия