Дар Нангарҳор бар асари хатари ДИИШ 58 мактаб баста шуд

Душанбе, 21.09.15. (АМИТ «Ховар»). — Бино  ба  хабари раёсати  маорифи  вилояти Нангарҳори  Афғонистон, дар  вилоят бар  асари  хатари  террористони ДИИШ 58  мактаб баста  шудааст. Сокинони  Нангарҳор  изҳор  доштаанд, ки  дар  муборизаи  зидди  толибон ва  ДИИШ  ба қувваҳои  низомии  Афғонистон кӯмак  хоҳанд  кард.
Агентии иттилоотии «Хома  пресс» хабар  медиҳад, ки як  қисми  мактабҳоро  силоҳбадастони «Давлати  исломӣ»  бастаанду дар  қисми  дигарашон таълиму тадрис  ба  манзури  бехатарӣ қатъ  гардидааст. 
Ба  гуфтаи   намояндаи   раёсати  маорифи  вилояти  Нангарҳор Муҳаммад  Осиф, 300  ҳазор  кӯдакони вилоят аз   хавфи ДИИШ мактаб  намераванд. Раёсати  маорифи  вилоят барои  бастани  мактабҳо  бо  кормандони қувваҳои  амният,  ҳукуматдорони  маҳаллӣ  ва  роҳбарони  қабилаҳо  гуфтушунид  мекунад.
Тайи  якчанд  моҳи  охир  силоҳбадастони «Давлати  исломӣ» дар  ҳудуди  вилоят  қариб  600  нафар  сокинони  осоиштаро  куштаанд. Назар ба  хабарҳои  матбуот,  силоҳбадастони  гурӯҳи  террористӣ ҳатто кӯдаконро  ба  сафҳои  худ  ҷалб  мекунанд.