Медали Ҷаҳон Қурбонов аз мусобиқаи қаҳрамонии бокси Осиё
Душанбе, 07.09.2015 (АМИТ «Ховар»).-Варзишгари тоҷик Ҷаҳон Қурбонов мусобиқаи бокси Осиё дар байни мардон, ки дар пойтахти Тайланд — шаҳри Бангкок -рӯзи 5 сентябр ба охир расид, бо медали биринҷӣ ба Ватан баргашт.
Ҷаҳон Қурбонов дар рақобатҳо ба вазни 91 килограмм баъди ду пирӯзӣ бар рақибонааш аз Корея ва Покистон ба нимфинал баромад. Вале дар даври ниманиҳоӣ, ки 4 сентябр баргузор шуд, аз рақиби қазоқистонияш Василий Левит шикаст хӯрда, бо медали биринҷӣ сарфароз гашт.
Дар мусобиқаи қаҳрамонии Осиё дар Бангкок 188 варзишгар аз 28 кишвар ширкат доштанд.
Дар ҳисоби умумидастаӣ мунтахаби Қазоқистон бо гирифтани панҷ медали тилло, як нуқра ва як биринҷӣ ғолиб шуд. Мунтахаби Узбакистон бо бадаст овардани ду медали тилло, панҷ нуқра ва як биринҷӣ дар ҷойи дуюм қарор гирифт. Мақоми сеюмро мизбонон — муштзанҳои Тайланд — бо гирифтани ду медали тилло соҳиб гардиданд.
Ёдрас мешавем, варзишгарони дар ин мусобиқа ҷойҳои аз якум то ҳафтумро ишғол намуда, ба ҳаққи ширкат дар мусобиқаи қаҳрамонии бокси ҷаҳон мушарраф шуданд. Вале муштзанҳое, ки дар вазни беш аз 91кг ҷойҳои аз 1-ум то 5-умро гирифтанд, дар сабқати ҷаҳонӣ ширкат меварзанд. Мусобиқаи қаҳрамонии ҷаҳон аз 5-ум то 18-уми октябри соли равон дар пойтахти Қатар — Доҳа -барпо мегардад.
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
Имрӯз дар Тоҷикистон сар задани селҳои пиряхӣ аз эҳтимол дур нест
