Қочоқи 10 000 қуттӣ тамоку аз Афғонистон пешгирӣ карда шуд
Душанбе, 04.09.2015, (АМИТ «Ховар»). — Кормандони Хадамоти гумрук дар минтақаи назорати гумрукии Панҷи-Поён автомашинаи тамғаи «ДАФ» рақами қайди давлатӣ ТҶ 89-24 СА 01, таҳти идораи сокини ноҳияи Синои шаҳри Душанбе Г.Н.-ро бо гумони қочоқи маводи тамоку боздошт намуданд. Дар рафти муоинаи гумрукӣ муайян гардид, ки дар қисми поёнии бордони автомошина пинҳонгоҳи махсус сохта шуда, дар дохили он қуттиҳои тамоку ба таври пинҳонӣ ҷойгир шуда аст. Маводи дарёфтгардида 1000 блок, дар маҷмӯъ 10 000 қуттӣ сигаретаи тамғаи ЕSSЕ-и истеҳсоли давлати Корея ташкил дод.
Н. Г. миқдор маводи тамокуро аз Ҷумҳурии Исломии Афғонистон бо мақсади тиҷорат харидорӣ намуда, мехост ғайриқонунӣ ва ба таври пинҳонӣ ба Ҷумҳурии Тоҷикистон ворид намояд.
Аз рӯи ҳодисаи мазкур парвандаи маъмурӣ тартиб дода шуда, ба Суди ноҳияи Қумсангир барои баррасӣ ирсол карда шуд.
Дар ин бора ба АМИТ «Ховар» аз Хадамоти гумруки назди Ҳукумати Ҷумҳурии Тоҷикистон иттилоъ доданд.
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
