Садҳо ҷангии «Давлати исломӣ» силоҳ гузошта, қавл доданд дар сафи артиши миллӣ бар зидди ҷангиён мубориза мебаранд

Душанбе, 22.09.2015. (АМИТ «Ховар»). — Садҳо нафар ҷангиёни гурӯҳҳои ифротгарои «Давлати исломӣ» ва «ан-Нусра» дар Сурия силоҳҳои худро ба замин гузоштанд. Дар ин бора расонаҳои хабарӣ иттилоъ медиҳанд. 
Бино ба иттилои манобеъ, садҳо нафар сокинони Сурия, ки замоне ба гурӯҳҳои ифротгаро пайваста буданд, акнун ба ҳаёти осоишта бармегарданд. 
Қисми бештари халъи силоҳшудагон ҷавонони то 18-сола буда, аъзои гурӯҳи «ан-Нусра» мебошанд. Онҳо қавл додаанд, ки дар ҳамдастӣ бо сарбозони артиши миллии кишвар бар зидди ҷангиён мубориза мебаранд.