Ш.Зуҳуров ба Бадахшон рафт

Душанбе, 21.09.2015.(АМИТ «Ховар», Марзия Саидзода).- Субҳи имрӯз бо супориши Президенти кишвар Эмомалӣ Раҳмон раиси Маҷлиси намояндагони Маҷлиси Олии Ҷумҳурии Тоҷикистон Шукурҷон Зуҳуров ба Бадахшон рафт. Дар фурудгоҳи Хоруғ  Шукурҷон Зуҳуровро муовини Сарвазири мамлакат Азим Иброҳим, муовини  раиси Маҷлиси намояндагон Акрамшо Фелалиев ва раиси Вилояти Мухтори  Кӯҳистони Бадахшон Шодихон  Ҷамшед истиқбол гирифтанд.
Бино ба иттилои Муҳаммадато Султонов- котиби матбуотии палатаи поёнии Парлумони кишвар имрӯз Шукурҷон Зуҳуров дар ноҳияи Шуғнон ба сокинони аз офатҳои табиӣ зарардидаи ин ноҳия 82 калиди манзили навро месупорад. Интизор меравад, ки Шукурҷон Зуҳуров дар муддати рӯз бо фаъолону меҳнаткашони ноҳияи Шуғнон  мулоқоту суҳбат намояд.