Субҳи бедорӣ дар афкори миллат

 Ҳисор, 08.09.2015 (АМИТ “Ховар” Ҳотами Шариф). То имрӯз беш аз 200 иншооти хурду бузург ба ифтихори ҷашни 3000 солагии Ҳисор мавриди истифода қарор гирифт, изҳор дошт, раиси ноҳияи Ҳисор Усмон Раҳмонзода дар маҷлиси тантанавӣ бахшида ба 24-умин солгарди Истиқлолияти давлатии Ҷумҳурии Тоҷикистон, ки имрӯз баргузор гардид гардид. Дар ҷамъомад собиқадорони меҳнат, роҳбарони ташкилоту муассисаҳо ва фаъолони ноҳия ҳузур доштанд. Раиси ноҳия аз дастовардҳои истиқлолият сухан ронда, корҳои ободониву созандагии Ҳисорро дар ҳоли имрӯз бесобиқа арзёбӣ кард.  Дастранҷи деҳқонони ноҳияи Ҳисор на танҳо дастраси сокинони ҷумҳурианд, балки меваҳои шаҳдбораш дар хориҷа ҳам коми ҳазорҳо нафарро ширин мекунанд. Мавриди зикр аст, ки ҳар рӯз чорводорони ноҳия ба сокинони шаҳри Душанбе беш аз 30 тонна шир мефурӯшанд.
   Дар охир ба пешқадамони соҳаҳои гуногун  ифтихорномаҳои раиси ноҳия бо тантанаи тақдим гардид. Ҳунарнамоии аҳли фарҳанг таъби ҳозиринро шод гардонд.