Як нафар аъзои гурӯҳи хиёнаткорон маҳв карда шуд

Душанбе, 09.09.2015. (АМИТ «Ховар»).- Бино ба иттилои дафтари матбуоти Вазорати корҳои дохилӣ ва Кумитаи давлатии амнияти миллӣ дирӯз дар идомаи амалиёти безараргардонии гурӯҳи ҷиноятпешаи Абдуҳалим Назарзода (ҳоҷӣ Ҳалим) дар мавзеи Ромити шаҳри Ваҳдат 7 нафар аъзои гурӯҳи террористӣ боздошт гардида, як узви гурӯҳ бо сабаби муқобилияти мусаллаҳона нишон додан ба кормандони мақомоти қудратӣ маҳв карда шуд.
Тавре ки аз ВКД ҶТ хабар доданд, амалиёти махсуси зиддитеррористӣ то ошкор шудан ва дастгир гардидани охирин аъзои гурӯҳи ҷиноятпешаи Абдуҳалим Назарзода идома дода мешавад.