Ҳаҷми мусофиркашонӣ афзуд

Душанбе, 28.10.15. (АМИТ «Ховар»). — Тайи  9  моҳи  соли  равон тавассути  ҳамаи  намуди   нақлиёти мусофиркашонӣ ба беш  аз 421  миллион  мусофир хидмат расонида шуд, ки  нисбат  ба  ҳамин давраи  соли  2014  баробари 1,4  фоиз  зиёд  аст. Нақлиёти  заминӣ аз  нигоҳи  мусофиркашонӣ мақоми  асосиро  касб  намуда,  99,9  фоизро  ташкил  медиҳад. 
Мувофиқи  маълумоти  Агентии  омори  назди Президенти  ҶТ,  ҳаҷми  мусофиркашонӣ  тавассути нақлиёти автомобилӣ  баробари 1,5  фоиз  афзудааст.
Мусофиркашонии ҳамаи  намуди  нақлиёт  дар  давраи  ҳисобот  беш  аз  6,5  миллион километри  мусофирбарӣ, ё  87,6 фоизро ташкил  дод.