Амалиёти поккорӣ дар 14 вилояти Афғонистон

Душанбе, 20.10.15. (АМИТ «Ховар»). — Шабонарӯзҳои  гузашта дар ҳудудҳои  мухталифи  Афғонистон  силсилаи  амалиётҳои  поккорӣ  роҳандозӣ  шуда,  дар  натиҷаи онҳо,  мувофиқи  ҳисоботи  Вазорати  корҳои дохилии Ҷумҳурии  Исломии  Афғонистон,  42 силоҳбадаст  кушта  ва  4 нафарашон  зиндонӣ шуданд.
Амалиёти  ҳарбӣ  дар  ҳудуди  14  вилоят,  аз ҷумла  дар  вилоятҳои  Нангарҳор, Каписа, Бағлон, Тахор, Қундуз, Бадахшон, Қандаҳор,  Зобул,  Урузгон,  Лугар,  Пактиё, Ҳирот, Фароҳ  ва  Ҳилманд идома дорад.
Дар  нишасти  матбуотии  мақомоти ҳифзи  ҳуқуқи  Афғонистон  зикр  шуд, ки  аз шӯришгарон миқдори  муайяни  аслиҳа  ва лавозимоти  ҷангӣ  мусодира  гардид.