Ҷангиёни ДИ дар Сурия қувваҳои худро дар хатти ҷабҳа мустаҳкам карданианд

Душанбе, 13.10.15. (АМИТ «Ховар»).  Ҷангиёни  ДИ дар  Сурия  барои таҳким бахшидани  қувваҳояшон  дар  хатти  ҷабҳа кӯшиши  зиёдеро  ба  харҷ  медиҳанд.  Дар натиҷаи   зарбаҳои қувваҳои ҳавоии кайҳонии ФР қисми  зиёди  аслиҳа  ва  лавозимоти  ҳарбии  онҳо  нест карда шудааст. Ба  гуфтаи   намояндаи  расмии  Вазорати мудофиаи  Русия Игор  Конашенков,  ҳавопаймоҳои  қиркунандаю  бомбаандози  Су  34 аз  ҳайати гурӯҳи  авиатсионии Қувваҳои ҳавоии кайҳонии  ФР  дар  музофоти Идлиби  Сурия маркази  тарбияи ҷангиёни  гурӯҳи  террористии  «Давлати  исломӣ» — ро  нест  карданд. 
«Ҳавопаймоҳои бомбаандози  Су  34  маркази ҷангиён воқеъ  дар канори шаҳри Мастумаи   музофоти Идлибро бомбаборон  карданд. «Давлати исломӣ»  маркази  мазкурро чун  бунгоҳи силоҳбадастоне, ки аз  кишварҳои дигар омадаанд, истифода мекард», — гуфт  номбурда.