Артиши Сурия 5 деҳаи музофоти Ҳомаро озод кард

Душанбе, 12.10.15. (АМИТ «Ховар»).  Назар  ба хабари РИА Новости, артиши  Сурия  дар  шимоли  музофоти  Ҳома  боз  5  деҳа  ва шаҳракҳои  кӯчакро  озод  намуд. 
Ба  гуфтаи  фармондеҳи амалиёти  ҳарбӣ  полковник  Иброҳим  С. , ин ба туфайли амалиёти  фаъолонаи  авиатсияи  Русия  имконпазир  гардид.
Шоми рӯзи  якшанбеи  гузашта артиши  Сурия шаҳри Аташан  воқеъ  дар 40  километрии шимолу  шарқи  шаҳри  Ҳомаро  аз  ҷангиёни «Ҷабҳаи  ан  Нусра» озод  намуд.
Ҳамлаи  қӯшунҳои  Сурия  баъди   зарбаҳои  авиатсияи  Русия  оғоз  ёфта,  бар  асари он  даҳҳо  нафар  террористон  ҳалок  гардида,  боқимондаҳояшон  рӯ ба  гурез  оварданд.
Мавсуф изҳор  дошт, ки  артиши  Сурия  дар шимоли  кишвар сарҳади  музофоти Идлиб, ки  ҳоло  таҳти назорати  силоҳбадастон қарор  дорад, наздик  мешавад.