Дар ҷануби Алеппо роҳбари гурӯҳи ифротгароён кушта шуд

Душанбе, 20.10.15. (АМИТ «Ховар»). — Амалиёти  муваффақонаи  қӯшунҳои  Сурия  барои  озод  намудани  минтақаҳои ҷанубӣ  ва ҷанубу  ғарбии  шаҳри  Алеппо, ки  онҳоро  дастаҳои  ифротгароён  ишғол  намуда буданд,  идома дорад. 
Тавре  ки  шабакаи  телевизионии  «Ал — Маёдин»  хабар  дод, рӯзи  душанбе  ҷанговарони  артиши  Сурия  душманро  аз  ҳашт  деҳа  берун  карда, теппаҳои   стратегии Маҳрукат ва Снобуратро  ишғол  намуданд.  Дар  ҷараёни  амалиёт роҳбари   гурӯҳи  муҳоҷидони «Дастаи  Нуриддин аз — Зенни» — и  Насиф  Исмоил   нест  карда шуд. 
Дар  самти  шарқӣ  қувваҳои ҳукуматӣ сӯи  фурудгоҳи  низомии  Квейрас, ки онро  дастаҳои  «Давлати  исломӣ»  иҳота  намудаанд,  пеш  мераванд. 
Дар  музофоти  Ҳома (220  километрии Димишқ)  қисмҳои  артиш  ва  дастаҳои ихтиёриён  ба шаҳрҳои  Ал -Мансуру ва Тел — Васат  ҳамла  меоранд. Қаблан ҳавопаймоҳои  Русия  ва Қувваҳои  ҳарбии  ҳавоии  Сурия ин  мавқеъҳоро  оташборон  карда буданд.