Дар вилояти Лугар 20 силоҳбадаст кушта шуд

Душанбе, 21.10.15. (АМИТ «Ховар»). — Дар  ҳудуди  вилояти  Лугари Афғонистон амалиёти  поккорӣ  оғоз  ёфта, бар  асари он 20  нафар  ҷангиёни «Толибон»  кушта шуданд. 
Дар амалиёти  ҳарбӣ, ки дар  вулусволии  Харвор сурат  гирифт, аскарони  Афғонистону  Амрико иштирок  доштанд. Қӯшунҳои  ҳукуматӣ чор  автомобили  силоҳбадастонро оташборон  намуданд, ки дар натиҷаи он 20  силоҳбадаст  кушта  ва чанд  нафари онҳо захмӣ  гардид.
Дар  ҷараёни ин  амалиёт  миқдори  зиёди  аслиҳа  ва  лавозимоти  ҷангии  шӯришгарон  ғанимат  гирифта  шуд,  хабар  медиҳад  Агентии иттилоотии  «Пажвок».