Дар яке аз вулусволиҳои вилояти Нангарҳор 11 силоҳбадаст кушта шуд

Душанбе, 29.10.15. (АМИТ «Ховар»). —  Чанде  пеш  дар  ҳудуди  вулусволии Ачини   вилояти  Нангарҳори  Афғонистон  ду амалиёти  ҳарбӣ  роҳандозӣ  шуда, дар  ҷараёни онҳо  11  нафар  ҷангиён  кушта  шуданд. Шоми  дирӯз ҳавопаймоҳо  автомобили толибонро  оташборон намуданд,  ки дар  натиҷаи он  5  нафар  шӯришгарон,  аз  ҷумла як  қумондон  ва  чанде  аз   силоҳбадастони  хориҷӣ   нест  карда шуданд. 
Дар  натиҷаи  амалиёти  дигар  дар  вулусволии  зикршуда  боз  6  нафар  силоҳбадастони гурӯҳҳои  «Толибон»  ва «Давлати  исломӣ»  нест  карда шуданд.