Ду террорист худро дар назди сафорати Русия дар Кобул таркониданд

Душанбе, 06.10.15. (АМИТ «Ховар»).  Назар  ба  хабари ТУЛӮЪ News, террористони  худкуш  дар  мавзеи парлумони  кишвар  ва сафорати  Русия воқеъ дар  маркази Афғонистон  шаҳри  Кобул ду  таркиш  ба  амал  оварданд.
Шарикони террористон  кормандони мақомоти  қудратиро, ки  маҳалли  ин  ҳодисаро иҳота   намуда  буданд, оташборон  карданд. Мувофиқи  маълумоти пешакӣ,  чанде  аз  силоҳбадастон  ба  манзили  волии  Ҳилманд Турон Наим зада  даромаданд. 
Моҳҳои  охир  Афғонистонро   задухӯрдҳои  байни  артиш  ва ҷонибдорони  ҷунбиши  «Толибон» фаро  гирифтааст.  1  октябр ба қувваҳои  ҳукуматӣ  муяссар  шуд, ки толибонро  аз  шаҳри  Қундуз ронанд.