Мулоқоти Марҳабо Ҷабборӣ бо Олга Гаврук

Душанбе, 19.10.2015. (АМИТ «Ховар»). — Имрӯз муовини Сарвазири мамлакат Марҳабо Ҷабборӣ бо Сафири Фавқулода ва Мухтори Ҷумҳурии Беларус дар Ҷумҳурии Тоҷикистон Олга Гаврук мулоқот кард.
Дар оғози суҳбат Марҳабо Ҷабборӣ ба Олга Гаврук, ки фаъолияти дипломатиаш дар Тоҷикистон ба поён расидааст, барои мусоидат ба густариши ҳамкории дуҷонибаи байнидавлатӣ дар давоми фаъолияти дипломатиаш дар Тоҷикистон арзи сипос намуд.
Дар навбати худ  Сафири Фавқулода ва Мухтори Ҷумҳурии Беларус дар Ҷумҳурии Тоҷикистон Олга Гаврук таъкид кард, ки дар оянда низ новобаста аз вазифаю масъулияти минбаъда барои таҳкими робитаи дӯстонаи Беларус ва Тоҷикистон талош хоҳад кард.