Нуробод: пешгирии ҷавонон аз шомилшавӣ ба гурӯҳҳои ифротӣ

Нуробод, 17.10.2015 (АМИТ «Ховар»).-Бахши  ҷавонон, варзиш ва сайёҳии ноҳияи Нуробод дар ҳамаи  ҷамоатҳои шаҳраку деҳот оид ба пешгирии амалҳои номатлуб, шомил нашудани ҷавонон ба гурӯҳҳои ифротӣ, баланд бардоштани савияи донишҳои сиёсӣ ва ҳуқуқии ҷавонон,  паст кардани  сатҳи ҷинояткорӣ миёни ҷавонону наврасони  ноҳия суҳбату мулоқотҳо доир менамояд. Ба андешаи  мудири   Бахши  ҷавонон, варзиш ва сайёҳии ноҳия Кумиддин Бобиев мақсади асосии ин мулоқот  инкишофи маънавию ҷисмонии  ҷавонон, бедор намудани ҳисси  ватандӯстиву  ватанпарастии  онҳо, фароҳам овардани  шароити мусоиди  иҷтимоӣ, баланд бардоштани худшиносии миллӣ ва беҳтар намудани  фаъолияти ҷавонон дар самти  тарбияи  ватанпарастӣ мебошад.