Рамазон Раҳимзода: Ватан бо фарзандони содиқи худ ҳамеша ифтихор менамояд!

Душанбе, 08.09.2015. (АМИТ «Ховар»).-Дирӯз зимни сафари хизматии  вазири корҳои дохилӣ  Раҳимзода Рамазон Ҳамро дар ноҳияи Рашт  вазир ба Ротаи таъйиноти махсуси милитсияи РВКД дар минтақаи Рашт омада, бо ҳайати шахсии ин ниҳод вохӯрӣ намуд.
Зимни боздид Раҳимзода Рамазон Ҳамро бо фаъолияти корӣ ва шароити хизматии кормандони ротаи мазкур аз наздик ошноӣ пайдо намуда, бо онҳо суҳбати озоду самимӣ анҷом дод.
Зикр гардид, ки аз ҷониби роҳбарияти Ҳукумати мамлакат ва Вазорати корҳои дохилӣ ҷиҳати беҳдошти вазъи иҷтимоӣ ва маишии кормандони милитсия таваҷҷуҳи хосса зоҳир гардида, онҳо таҳти ғамхории доимӣ қарор доранд.