Роҳбари ДИ захмӣ шуд

Душанбе, 12.10.15. (АМИТ «Ховар»).  Дар  ҷараёни  ҳамлаи Қувваҳои ҳарбии хавоии  Ироқ  ба  сафи  гурӯҳҳои террористии  «Давлати  исломӣ»  дар музофоти ғарбии Анбар роҳбари  ДИ  Абӯбакр  ал  Бағдодӣ захм  бардошт. Дар  ин  бора  Агентии  IRNA  и  Эрон     хабар  дод. 
«Се  муовини  ӯ  аш  — Шишанӣ, ас  Сурӣ ва Абу  Саид ал — Қарбулӣ  низ нест  карда шуданд».   гуфта  мешавад  дар  хабари  агентӣ.  Аш  Шишанӣ  дар  ДИ  ба масоили тарғибот сару  кор  дошта, ал  Қарбулӣ беҳтарин  қумондони  саҳроии  ДИ ба шумор  мерафт. 
Ҳавопаймоҳои Қувваҳои  ҳарбии  ҳавоии  Ироқ баъди  гирифтани маълумоти  иктишофӣ дар  бораи  он, ки сафи гурӯҳи  террористон  бо  роҳбарии ал  Бағдодӣ ба  шаҳраки Ал  Қарабелеҳ  равон  аст, террористонро  бомбаборон  карданд