Таҳқиқи ҳолатҳои марги фоҷиавии шаҳрванди панҷмоҳаи Тоҷикистон таҳти назорати ҷиддии роҳбарияти ВКХ ва Сафорат аст
Душанбе, 18.10.2015. (АМИТ «Ховар»). — Вазорати корҳои хориҷӣ хабар медиҳад, ки таҳқиқи ҳолатҳои марги фоҷиавии шаҳрванди панҷмоҳаи Ҷумҳурии Тоҷикистон Умаралӣ Назаров таҳти назорати ҷиддии роҳбарияти Вазорати корҳои хориҷии Тоҷикистон ва Сафорати кишвар дар Федератсияи Россия қарор дорад.
17 октябр дар ҷавоб ба ёддошти Сафорати Тоҷикистон дар Москва аз ҷониби Вазорати корҳои хориҷии Россия ёддоште таҳия ва ба унвони намояндагии дипломатии кишварамон фиристода шуд, ки дар он аз ҷумла омадааст: «Муроҷиати Сафорат бо ҷиддияти тамом қабул карда шуд. Ба волидайни Умаралӣ Назаров ва ба ҳамаи онҳое, ки дар ин лаҳзаҳои вазнинтарин ҳамроҳ бо онҳо дар ғаму андуҳанд, ҳамдардии самимона изҳор мегардад. Барои муайян кардани ҳамаи ҳолатҳои ҳодисаи рухдода ба таври фаврӣ унвонии Вазорати корҳои дохилӣ, Хадамоти федеролӣ оид ба муҳоҷират, Вазорати тандурустӣ ва Прокуратураи генералии Россия дархостҳои зарурӣ фиристода шуданд. Роҷеъ ба ҳамаи ҷанбаҳои таҳқиқот ҷониби Тоҷикистон фавран хабардор карда мешавад».
Вазорат аҳли ҷомеаро дар робита ба тамоми ҳолатҳои вобаста ба тафтишоти ин ҳодисаи фоҷианок дар ҷараён хоҳад гузошт.
Дар Боку таҳкими ҳамкории Тоҷикистон ва Донишгоҳи Академияи дипломатии Озарбойҷон дар соҳаи маориф ва илм баррасӣ шуд
10 феврал дар Вазорати тандурустӣ ва ҳифзи иҷтимоии аҳолӣ, Кумитаи кор бо ҷавонон ва варзиш, Кумитаи кор бо занон ва оила, Мақомоти шаҳри Душанбе ва Комиссияи олии аттестатсионӣ нишасти матбуотӣ баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Зимни ҳамоиши ҳизбӣ дар ноҳияи Фирдавсӣ 200 нафар ятимон ва донишҷӯён бо корти нақлиётӣ таъмин гардиданд
НИШАСТИ МАТБУОТӢ. Дар Донишкадаи давлатии фарҳанг ва санъати Тоҷикистон 7 ихтисоси нав таъсис ёфт
Дар қароргоҳи Созмони Милали Муттаҳид дастовардҳои Тоҷикистон дар таҳкими сулҳу амният матраҳ гардиданд
То 1 октябри соли 2025 Лоиҳаи «Барномаи миёнамуҳлати рушд барои солҳои 2026-2030» таҳия мегардад
«МЕҲРИ МОДАР». Таҳти ин унвон бахшида ба Рӯзи Қувваҳои Мусаллаҳи Тоҷикистон иқдом баргузор гардид
