«Тоҷик Эйр» савияи тахассусии мутахассисонашро баланд бардошт

Душанбе,12.10.2015.(АМИТ «Ховар»).-Ширкати миллии ҳавопаймоии  «Тоҷик Эйр» бо мақсади дар ҳолати коршоямӣ нигоҳ доштан ва истифодаи самараноки ҳавопаймоҳо,  инчунин таъмиру хариди қисмҳои эҳтиётӣ дар зарфи нӯҳ моли соли равон беш аз 10 миллион сомонӣ харҷ намудааст. 
Икромҷон Мавлонов-муовини мудири кулли ҶСК «Тоҷик Эйр» оид ба тиҷорат зимни натиҷагирӣ аз фаъолияти ширкати мазкур  гуфт, ки дар ин давра мутахассисони маҷмааи  ҳавопаймоию  техникӣ савияи тахассусии худро  баланд бардошта, 5  муҳандис соҳиби  дараҷаи якум, як нафар соҳиби дараҷаи дуюм ва 5  техники ҳавопаймо соҳиби дараҷаи гуногун гардиданд. Ҳамзамон ба 13 мутахассиси маҷмааи ҳавопаймоию техникӣ ҷиҳати анҷом  додани  хизматрасонии  мустақилонаи  техникӣ дар ҳавопаймои Ан-28, чархболҳои Ми -172 ва Ми -8 МТВ иҷозат дода шуд. Инчунин 29 нафар  донишҷӯи Донишгоҳи техникии Тоҷикистон ба номи Муҳаммад Осимӣ дар «Тоҷик Эйр» таҷриба омӯхтанд. 
Таъкид шуд, ки дар ин давра  бозомӯзии касбии ҳавонавардон ва омода  намудани ҳайати парвозӣ доир гардида, барои ҳавопаймои Боинг 757-200- ду ҳавонаварди дараҷаи дуюм, барои Боинг 737-300  ду сарҳавонавард ( коромӯз), барои  ҳавопаймои  Ан-28 як сарҳавонавард ва Ми-8 як сарҳавонавард ва се бортмеханик омода шуданд.