Тоҷикистон кишвари бехатар эътироф гаштааст

Душанбе, 28.10. 2015. (АМИТ «Ховар»). — Нашриёти «The Independent» байни 142.000 сокини  141 кишвари ҷаҳон  дар мавриди «Оё шумо худро  ҳангоми сайру гашти шабона дар шаҳратон  бехавф ва бехатар ҳис мекунед?» пурсиш гузаронид. 
Бино ба иттилои нашриёт дар байни  даҳ мамлакати «Бехатар» Тоҷикистону Арманистон бо ишғоли ҷойҳои ҳаштум ва нуҳум ҷой дода шудаанд. 
Ҷойҳои намоёнро дар даҳгона  Сингапур, Гонконг, Норвегия, Испания, Руанда, Индонезия, Словения ишғол намуда,  ҷои даҳум ба Австрия дода шудааст. 

Бино ба  гуфтаи пурсидашудагон кишварҳои аз ҳама хатарнок, ки дар он ҷо шабона ба берун баромадан хавфнок аст, ин  Венесуэла, Габон, Конго, Парагвай ва Афғонистон мебошанд.