Вохӯриҳои гурӯҳи «Пешоҳанг» бо ҳамватанон

Душанбе, 12.10.15. (АМИТ «Ховар»). – Бо  ибтикору  дастгирии  вазири корҳои дохилии  Тоҷикистон  Раҳимзода  Рамазон  Ҳамро гурӯҳи  «Пешоҳанг» — и  ҷавонон аз  Федератсияи  Русия  боздид  намуд. Дар  шаҳри Маскав  гурӯҳи  мазкурро ҳайати расмии  Сафорати  ҶТ  дар  ФР истиқбол  намуда, баъди он  машварати  муштарак  баргузор  гардид.
Дар ҷараёни мулоқот масоили тарғиби пояҳои  давлатдорӣ,  эҳтироми  арзишҳои  миллӣ, роҳ  надодан  ба  паҳншавии  ғояҳои  ифротгароӣ  ва  масоили  дигари  мулоқоти  пешорӯ  бо  ҳамватанон, ҷамоаи тоҷикон ва ҷавонони тоҷик  дар  Федератсияи  Русия  мавриди  муҳокима  қарор  гирифтанд.
Аъзои гурӯҳи «Пешоҳанг»  бо намояндагони   созмонҳои  ҷамъиятӣ, аз  ҷумла бо  роҳбари  созмони  ҷамъиятии  «Тоҷикистон»  Гавҳар  Ҷӯраева  ва  раиси  «Ҷунбиши  муҳоҷирони  меҳнатии  тоҷик» Каромат  Шарифов  вохӯрданд.
Боздиди гурӯҳи  «Пешоҳанг» аз  шаҳру  вилоятҳои  Федератсияи  Русия  идома дорад.