Захираи хӯроки чорво ба 108 фоиз расидааст

Душанбе, 15.10.2015. (АМИТ «Ховар»).-   Имрӯзҳо дар хоҷагиҳои деҳқонӣ ва ҷамоавии ҷумҳурӣ захираи хӯроки чорво барои давраи зимистони солҳои 2015- 2016 муташаккилона идома дорад. Тибқи маълумоти фаврии Раёсати чорводорӣ, парандапарварӣ, моҳипарварӣ ва асалпарварӣ соли ҷорӣ дар ҷумҳурӣ дурнамои захираи дурушти хӯроки чорво 1 млн. 147 ҳазору 589 тонна ва дурнамои хӯроки ширадор 102 ҳазору 215 тоннаро ташкил медиҳад.
30- юми сентябри  соли равон  дар ҷумҳурӣ ба миқдори 1 млн. 239 ҳазору 145 тонна хӯроки дурушт захира шудааст, ки 108 фоизи нақшаро ташкил мекунад. Захираи хӯроки ширадори чорво 38 730 тоннаро дар бар гирифта, 37,9 фоизро ташкил намудааст.