900 сомонӣ барои қатъ намудани парвандаи ҷиноӣ

Душанбе, 10.11.15. (АМИТ «Ховар»). — Кормандони  милиса  сокини  32 — солаи ноҳияи  Аштро  бо гумони  тамаъҷӯӣ   дастгир  намуданд. 
Маълум  шуд, ки   гумонбаршуда дар  ҳудуди  ноҳияи  Бобоҷон  Ғафуров бо  усули  тамаъҷӯӣ барои қатъ намудани  парвандаи  ҷиноӣ  аз  зани 37 — сола — сокини  маҳаллӣ, 900  сомонӣ  талаб  кардааст. 
Гумонбаршуда  дар   рӯзи таъйиншуда  дар  ноҳияи  Бобоҷон  Ғафуров бо ин зан  вохӯрда, аз  ӯ 300 сомонӣ  гирифтааст. Рӯзи  дигар ҳини  гирифтани маблағ дар  ҳаҷми  500  сомонӣ  дар  аснои  ҷиноят  ба  даст   афтидааст. 
Тафтиши  ин  қазия  идома дорад.