Ҷаласаи мушовараи муштараки вазоратҳои корҳои дохилии Тоҷикистону Русия дар Маскав
Душанбе, 25.11.2015. (АМИТ «Ховар»).- 24 ноябри соли равон дар шаҳри Маскави Федератсияи Русия дар доираи ҷаласаи мушовараи муштараки вазоратҳои корҳои дохилии Ҷумҳурии Тоҷикистон ва Федератсияи Русия натиҷаҳои фаъолияти якҷояи ин ду ниҳоди қудратӣ баррасӣ гардида, нақшаи ҳамкорӣ барои соли оянда таҳия гардид.
Дар ҷаласаи ҳабдаҳуми мушовараи муштарак вазири корҳои дохилии Федератсияи Русия генерали политсия Владимир Колоколтсев гуфт:
«Бо назардошти раванди мушкили ноустувору зуд-зуд тағйирёбандаи минтақа ва ҷаҳон, низоъҳои мусаллаҳонаи наздисарҳадӣ, фаъол гардидани гурӯҳҳои террористию эктремистӣ ва инчунин вазъи иқтисодӣ, тадбирҳои андешидаи мақомоти ҳифзи ҳуқуқ имкон медиҳанд, ки назорат аз рӯи оромию тинҷӣ ва тартиботи ҳуқуқӣ таъмин шавад».
Зикр гардид, ки ҳамкорӣ дар самтҳои мубориза бо экстремизм, терроризм, гардиши ғайриқонунии маводи мухаддир, дар соҳаи кофтукови ҷинояткорон ва шахсони бедаракшуда, ташхиси криминалистӣ, ошкор ва тафтиши ҷиноятҳо ва инчунин тайёр намудани кадрҳо фаъолона амалӣ карда мешаванд. Танҳо дар давоми соли равон бо кӯшишҳои якҷоя зиёда аз сад нафари дар кофтуков қарордошта дастгир шуд.
Вазири корҳои дохилии Ҷумҳурии Тоҷикистон Раҳимзода Рамазон Ҳамро изҳор дошт, ки ҷаласаи имрӯза барои коркарди чораҳо дар кори мукаммал намудани кӯшишҳои якҷояи ду вазорат дар соҳаи муқовимат бо терроризм боз ҳам мусоидат хоҳад кард.
Дар доираи ҷаласаи мушовараи муштарак масъалаҳои ҳамоҳангсозии кӯшишҳои якҷоя дар пешгирӣ, барҳамзанӣ, кушодан ва тафтиши ҷиноятҳои хусусияти байналмилалӣ дошта, аз ҷумла терроризм, экстремизм ва ҷиноятҳое, ки бо маводи мухаддир алоқаманд мебошанд, оид ба чорабиниҳои якҷояи байниидории пешгирӣ ва фаврӣ-ҷустуҷӯӣ, амалиёти махсус оид ба мубориза бар зидди гардиши ғайриқонунии маводи мухаддир моддаҳои психотропӣ ва прекурсорҳои онҳо, бастани роҳҳои интиқоли ғайриқонунии онҳо ба воситаи роҳи оҳан ва роҳҳои ҳавоӣ ва ошкор намудани ашхосе, ки дар гардиши ғайриқонунии онҳо ширкат меварзанд, баррасӣ гардиданд.
Дар ин бора аз Вазорати корҳои дохилии ҶТ хабар доданд.
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
Пагоҳ дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
«Бисоз Life»: 2,5 маротиба бештар суҳбат намоед!
Имрӯз дар Тоҷикистон борон ва барф дар назар аст
Вобаста ба таҳким бахшидани ҳамкории милитсия бо ҷомеа дар ноҳияи Ёвон ҳамоиши маърифатӣ-ҳуқуқӣ доир гардид
Агентии амнияти химиявӣ, биологӣ, радиатсионӣ ва ядроӣ ҳамкориро бо Маркази ҷумҳуриявии илмии саратоншиносӣ тақвият мебахшад
