Ба танзим даровардани фарҳанги номгузорӣ

Душанбе, 30.11.2015.(АМИТ «Ховар»).-Палатаи поёнии Парлумони Тоҷикистон ба лоиҳаи Қонуни Ҷумҳурии Тоҷикистон «Дар бораи бақайдгирии давлатии асноди ҳолати шаҳрвандӣ» дар асоси пешниҳоди Ҳукумати ҷумҳурӣ тағйиру иловаҳо ворид менамояд.
Ҳилолбӣ Қурбонова -раиси кумитаи Маҷлиси намояндагон оид ба масъалаҳои иҷтимоӣ, оила ва ҳифзи саломатӣ дар ҷаласаи Шӯрои палатаи поёнии Парлумони кишвар гуфт, ки:  ҳадафи ворид намудани тағйиру иловаҳо ба лоиҳаи Қонуни Ҷумҳурии Тоҷикистон «Дар бораи бақайдгирии давлатии асноди ҳолати шаҳрвандӣ» мутобиқ намудани меъёрҳои он ба талаботи қонунгузории муосир ва уҳдадориҳои байналмилалии Ҷумҳурии Тоҷикистон, аз байн бурдани баъзе номутобиқии дохилӣ, ба танзим даровардани номгузории ба пояҳои таърихӣ ва фарҳангии миллии тоҷикӣ асосёфта ва худдорӣ аз номгузории бегона аст.