Дар Тоҷикистон 22 мактаби таҳсилоти умумӣ ва 16 дармонгоҳ ба истифода дода шуд

Душанбе, 24.11.15. (АМИТ «Ховар»). — Тайи  10  моҳи  соли равон дар   ҷумҳурӣ  841, 9  ҳазор метри  мураббаъ биноҳои  истиқоматӣ  мавриди  истифода  қарор  гирифт, ки  нисбат ба ҳамин  давраи  соли  гузашта  125,5  фоизро ташкил  медиҳад. 
Қисми   зиёдтарини  сохтмони биноҳои  истиқоматӣ  ба вилояти  Суғд рост  омада, 303,3  ҳазор  метри  мураббаъро ташкил  медиҳад. Қисми  камтарини  сохтмони  биноҳои  истиқоматӣ дар  ВМКБ ба  назар  мерасад, ки он  ҳамагӣ 12,6 ҳазор метри   мураббаъро  ташкил  медиҳад.
Мувофиқи  маълумоти  Агентии  омори   назди  Президенти  ҶТ, тайи  ҳамин  давра дар  ҷумҳурӣ 22 мактаби  таҳсилоти  умумӣ  барои  7  ҳазору  102  хонанда, 1  беморхонаи   дорои  115  кат,  16  дармонгоҳ  барои  қабули  531  мизоҷ  дар  як  баст  ва  3 муассисаи томактабӣ барои 235  кӯдак  мавриди  истифода қарор  гирифтанд.